Maripuchi

Izquierda Unidak (IU, EB, EU, hau da, federazio bakoitzean dauzkan siglak zeinahi izanda ere) duela asko galdu zuen norabidea.

Ez da nik diodan zerbait. Beren hautagaiek urteak daramatzate gauza bera esaten, izan ere, hauteskundez hauteskunde, alderdiz aldatzea edo zuzenean etxean geratzea erabakitzen baitute.

Joerak hainbeste direnez, liderra aukeratzea odisea bat da, horixe gertatu zen azken batzar federalean... lehenengo saioan huts egin ondoren, bigarren saioan Cayo Lara aukeratu zuten.

Zentzuzkoa iruditzen zait (nolabait) PSOE alderdi fagozitatzaile handitik urrundu nahi izatea. Ezker Batuak Politikak gobernatzeko orduan zentralizatzeko eta burokratizatzeko joera duela ikusten duten guztien katalizatzaile izan beharko luke. Aitzitik, bere inorako ihesean, bere federazioek taifen erresuma txikiak bezala funtzionatzen dute, bakoitzak nahi duena egiten du, eta ezkerreko beste alderdi batzuekin nahasten dira, baita erradikalekin ere, eta noski, ezker nazionalistarekin ere bai.

Hortaz, Asturiasen IUk asturianuaren ofizialtasuna defendatzen du. Eta ni aluflipatzen nago, izan ere, egia da Asturiasen herrietan asturiera hitz egiten dela (eremuaren arabera azpidialektu batzuk dauzkan dialekto bat da)... baina mendeak dira hirietan ez dela asturiera hitz egiten, eremuko kutsu naturala osatzen duten hitz gutxi batzuk kenduta. Baten ordez hiru diren asturianu bat, administrazio publikoaren dirua eskuratu nahi duten koadrila bati esker bateratua.

Euskadin bilakaera Espainiako gainerako eremuen eboluzioaren antzekoa da.
· 1994ko Autonomikoak, 93.291 boto - 6 aulki.
· 1998ko Autonomikoak, 71.084 boto - 2 aulki.
· 2001eko Autonomikoak, 78.802 boto - 2 aulki.
· 2005eko Autonomikoak, 65.023 boto - 3 aulki.
· 2009ko Autonomikoak, 36.134 boto - aulki 1.

Gero eta boto gutxiago lortzen dituzte eta hori harrigarria da urteak baitaramatzate Eusko Jaurlaritzan. Bertan Etxebizitza Sailburutza dute... eta luze daramate beren etxebizitza plana mundu osoko onena dela esaten (horri buruz beste batean arituko naiz). Baina noski, horrez gain, Aralarrenarekin nahastera ere iristen den nazionalismo bat aldarrikatzen dute (federalismoz mozorrotuta, hori bai)... eta noski, botoa jatorrizkoari ala kopiari emateko orduan, jendeak jatorrizkoa aukeratu duela dirudi.

Eta ez da ezer gertatzen, aizue... Entzun al duzue Madrazok kargua utzi duenik? (eta aipatzekoa da aulkirik gabe geratu dela) Ez, ez... ez horixe... errua fagozitatzaileari botako diogu. Hara bestea... Oraindik ikusteke dauden itunak egitea leporatuko diogu... Albora ditzagun geure miseria propioak...

PSOEk ez du IU izan nahi. Horretarako dago IU.

Baina negargarria da PSOEko ezkerrari dagokionez, eta lehenago ere esan dut, gero eta itzal gehiago egotea. IUk PSOE eta PP gauza bera direla dioela ikusirik, ez dakit zergatik haserretzen diren hainbeste nazionalistekin alderatzen dituztenean... gehienetan haiekin nahasten baitira...

Non geratu da internazionalismoa? Hautesleen toki berean.